تایبەتمەندیی زیاتریان هەیە
کامێرا نوێیەکانی تۆمارکردنی سەرپێچی لە رێگای سلێمانی – تاسڵوجە دانرانەوە
964+
دیلان محەمەد جەزا
کامێراکانی تۆمارکردنی خێرایی لەسەر شەقامی سلێمانی – تاسڵوجە دانرانەوە، كە تایبەتمەندی زیاتریان هەیە.
فەرهاد گورون بەرپرسی بەشی کامێراکان لە هاتوچۆی سلێمانی بە 964 وت، ئێستا سەرقاڵی دانانەوەی کامێراکانی تۆمارکردنی خێراین لەسەر رێگای سلێمانی – تاسڵوجە، بە تایبەتمەندی نوێوە، كامێراكان لە حەوت جێگە دانراون.
باسی لەوەش کرد، کامێراکان یەک پۆینتن و تەنیا شوێنی خۆیان تۆمار دەکەن، ئەو کامێرایانە دەتوانن بەکارهێنانی مۆبایل و نەبەستنی پشتێنی سەلامەتییش تۆمار بکەن، بەڵام تا ئێستا نەیانخستونەتە کار و بۆ تۆماركردنی ئەو سەرپێچییانە پێویستییان بە بڕیاری سەرووی خۆیانە.
پێداچوونەوە: ئەرسەلان عەبدوڵا
