دیمەنێک لە ناوبازاڕى رانیە... وێنە: هاتوچۆى راپەڕین
دەبێت چواریش هەڵبکەیت
لەمەودوا لە شەقامێکی رانیە ئۆتۆمبێل بە لاری رابگریت سزا دەدرێیت
964+
ژووری هەواڵ
هاتوچۆی راپەڕین رێنماییەکی نوێی بۆ ئەو شۆفێرانە دەرکرد کە ئۆتۆمبێلەکانیان لەسەر رێگەی گەڕەکی نەورۆز بۆ رانیە رادەگرن و دەڵێت، دەبێت راگرتنەکە بەشێوەی رێک بێت.
رێنماییەکە لە ئەمڕۆ دووشەممە 17.3.2025ـەوە لە شەو و رۆژدا دەکەوێتە بواری جێبەجێکردن بۆ هەردوو سایدی شەقامی گەڕەکی نەورۆز بۆ رانیە.
هاتوچۆی راپەڕین دەڵێت، دەبێت لەکاتی راگرتنی ئۆتۆبێلەکانیان بەشێوەی رێک، چواری دابگیرسێنن و راگرتنەکەیان کاتی بێت.
“راگرتنەکە هاوشـێوەی سەنتەری بازاڕی رانیە بێت، کە گوزارشتە لە راگرتنی کاتی، هەر شۆفێرێک سەرپێچی بکات و ئۆتۆمبێلەکەی بەشێوەی لار رابگرێت، تووچی لێپرسینەوە و سزای یاسایی دەبێت”، هاتوچۆی راپەڕین وا دەڵێت.
