964+

وریا فەتاح

لە دوێنێوە 26 تۆن پەتاتە و لیمۆ لە عەلوەى کەلار دەستیان بەسەرداگیراوە و لە 2025یشدا ئەوە 246هەمین تۆن بەرهەمە کە لە عەلوەى کەلار دەستى بەسەردا دەگیرێت.

دکتۆر محەمەد کوێخا زەند، بەڕێوەبەرى تاقیگەى کۆنتڕۆڵى جۆرى کشتوکاڵى گەرمیان بە 964ـى وت،” ئەمڕۆ یەک تۆن لیمۆى نەشیاو بۆ خواردنمان لە عەلوەى کەلار دەستبەسەرداگرت، دوێنێش 25 تۆن پەتاتە”.

بە وتەى بەڕێوەبەرى تاقیگەى کۆنتڕۆڵى جۆرى کشتوکاڵى گەرمیان، تەنیا لە 2025دا، توانیویانە دەستبگرن بەسەر 246 تۆن سەوزە و میوەى نەشیاو بۆ خواردن.

روونیشى کردەوە، زۆرینەیان پەتاتە بوون و دواتر پرتەقاڵ و پیاز و تەماتە و لیمۆ و شووتى و کاهوو.

وەک ئەوەى باسى دەکات، ئەو سەوزە و میوانە زۆرینەیان لە ئێرانەوە داخل دەکرێن، بەڵام لە مەرز و دەروازە سنوورییەکان یان پشکنینیان بۆ ناکرێت یان بە شێوەى قاچاخ داخل دەکرێن.

جەختیش دەکاتەوە، 24 کاتژمێر کۆنتڕۆڵی جۆری عەلوەی کەلار کار دەکات لە پێناو تەندروستی و سەلامەتی هاوڵاتیان بە پشکنینی بەردەوام و لەناوبردنی ئەو سەوزەو میوە و بەروبومە کشتوکاڵیانەی کە شیاوی خواردن نین و لە پشکنینەکانیان دەرناچن.

132 تۆن سەوزە و میوە لە عەلوەى کەلار دەستى بەسەرداگیراوە

964+

دیلان محەمەدجەزا- سلیمانى

پارێزگارى سلێمانى رایدەگەیەنێت؛ جەژن بۆ ئەوەیە گەردن ئازادى لەیەکترى بکەین و ئاشتبینەوە و پێکەوە درێژە بە خۆشییەکانمان بدەین, داواى گەردن ئازادیش لە دایکى دەکات.

د. هەڤاڵ ئەبوبەکر پارێزگارى سلێمانى، لە یەکێک لە مزگەوتەکانى سەرچنارى شارى سلێمانى نوێژى جەژنى ئەنجامدا و لە لێدوانێکدا بە 964ـى وت،”جەژنى هەموو لایەک پیرۆز بێت، ئومێد دەکەم لە جەژندا تەنیا دڵى ماڵەکانمان خۆشنەکەین کە ئەوە ئەرکى سەرشانمانە، بەڵکو دڵى گەڕەک و شار و وڵاتەکەمان خۆشبکەین”.

دەشڵێت: داواى گەردن ئازادى لە دایکم دەکەم، زۆر پێمانەوە ماندوو بووە.

پەیامنێرى 964 لێى پرسى جەژنانە دەدەیت بە کێ و جەژنانەکەت چەورە، پارێزگارى سلێمانى وتى،”جەژنانە دەدەم بە هەموو کەس ئەوە کلتورێکى خۆمە و لە 15 ساڵییەوە هێناومە، بەڵام جەژنانەکەم چەور نییە و شتێکى رەمزییە،

چونکە جەژنانە پەیوەندى بە شێوازە رەسەنەکەوە هەیە نەک بڕەکەى”.

ئەمڕۆ یەکشەممە، 30.3.2025، یەکەم رۆژى جەژنى رەمەزانە.

پێداچوونەوە: وریا فەتاح

جەژن خواردنی قورس مەخۆن و ئاگاتان لە گەدەتان بێت