سەنتەری ئیدارەی سەربەخۆی زاخۆ _ وێنە: 964
بازاڕێکیش دەکرێتەوە
لە زاخۆ 25 فڕن بێبەرامبەر سەموون دەدەن بە هەژاران
964+
شڤان عەبدوڵا – زاخۆ
ئیدارەی سەربەخۆی زاخۆ بۆ مانگی رەمەزان 25 سەمونخانەی لە گەڕەکی جیاجیا دەستنیشانکردووە بۆ ئەوەی بێ بەرامبەر سەمون بە هەژاران بدەن و هیچ بڕە پارەیەکیشیان لێ وەرنەگرن.
هەر ئەمە بەتەنیا نا، بەڵکو بازاڕێکی تایبەتیش بە مانگی رەمەزانیان دەستنیشانیان کردووە کەرەستە خۆراکیەکان و شیرەمەنی و خورما و ئازوقە بەبێ قازانج وەرگرتن دەفرۆشن بە هاوڵاتیان.
کوڤان سیتو، بەڕێوەبەری چاودێری بازرگانی زاخۆ بە 964ـی وت، “ئیدارەی زاخۆ تێچووی تەواوی سەمونخانەکان لەئەستۆ دەگرێت و بەپێی دابەشبوونی جوگرافی سەمونخانەکان لە گەڕەکی جیاجیا دەستنیشان کراون”.
پێداچوونەوە: هاوبەش
