کفری سەوز دەکرێت 

964+

توانا نەقی

پرۆژەی سەوزکردنی کفری لە لایەن رێکخراوی گەشەپێدانی مەدەنیەت و بە هاوکاری قایمقامیەتی قەزای کفری دەستی پێکرد کە تیادا 2000 نەمام دەچێندرێت.

قایمقامیەتی کفری بڵاویکردەوە پرۆژەی سەوزکردنی قەزاکە بە هەماهەنگی قایمقامیەتی کفری و خۆبەخشانی ژینگەیی و بە هەڵمەتی چاندنی 2000 نەمام دەستیپێکرد.

دەشڵێت، دوو هەزار نەمامەکە لە جۆرەکانی ئەلبیزیا، ئەکاسیا و نارجن و لە چەند گەڕەکێکی قەزای کفری دەچێندرێن.

هەر ئەم پرۆژەیەی ئێستا نییە بەڵکو بڕیاردراوە لە داهاتوو دا بە چاندنی 10 هەزار نەمام زۆرینەی گەڕەکەکانی کفری سەوز بکرێن و رۆسەکە درێژەی هەبێت.

قایمقامیەتی قەزاکە داوای ئەوەش دەکات هەموو لایەک هاوکاریان بن لە لێدانی بیری ئاو و نۆژەنکردنەوەی خانووە کەلەپوریەکان بۆ ئەوەی کفری بەرەو شارێکی گەشتیار و کەلەپوری هەنگاو بنێت.

هەڵمەتی چاندنی دار ماڵ بە ماڵ دەستی پێکرد