کیلۆیەک و 800 گرام مادەی هۆشبەریان پێبووە
لەهەولێر باندێکی بازرگانیکردن بە مادەی هۆشبەر دەستگیر کرا
964+
توانا نەقی
باندێکی بازرگانیکردن بە مادەی هۆشبەر لەلایەن ئاسایشی هەولێرەوە دەستگیر کران و لەکاتی دەستگیرکردنیشیاندا رووبەڕووی ئاسایش بوونەتەوە.
ئەمڕۆ دووشەممە، ئاسایشی هەولێر بڵاویکردەوە، لە دوو ئۆپەراسیۆنی جیاوازدا و بە هەماهەنگی لەگەڵ بەڕێوەبەرایەتی نەهێشتنی مادە هۆشبەرەکاندا توانیویانە سێ کەس دەستگیر بکەن.
دەشڵێت، لە کاتی دەستگیرکردنی ئەو باندەدا رووبەڕووی هێزەکانیان بوونەتەوە و یەکێک لە تۆمەتبارەکان خەڵکی دەرەوەی هەرێمی کوردستانە.
لە ئۆپەراسیۆنەکەدا دەست گیراوە بەسەر یەک کیلۆ و 800 گرام مادەی هۆشبەر لە جۆرەکانی کریستاڵ، مەریجوانە، هیرۆیین و چەند پارچە حەبێکی هۆشبەر و چەکێکی بێمۆڵەت لە جۆری دەمانچە و هەروەها کەلوپەلی کێشانەی مادەی هۆشبەر.
ئێستا هەریەک لە تۆمەتباران (ف، ف، ع) و (ف، م، ف) و(ح، ط، أ) راگیراون و لێکۆڵینەوە لەگەڵیان بەردەوامە.
