964+

فه‌رهاد حه‌سه‌ن

له‌ سنوورى پارێزگاى هه‌ڵه‌بجه‌ 21 كه‌س له‌سه‌ر داربڕین و راوكردن ده‌ستگیر كران و چه‌ندین ئامێر و كه‌ره‌سته‌شیان لێگیراوه‌ و ده‌ستبه‌سه‌ر دارى بڕاو و ئه‌وانه‌ى راویان كردوون، گیراوه‌.

هەڤاڵ محەمەد، بەرپرسی راگەیاندنی پۆلیسی دارستان و ژینگەی هەڵەبجە بە 964ـی وت، ئه‌م ماوه‌یه‌ به‌شێوه‌یه‌كی فراوان داربڕین له‌سنووره‌كه‌یان په‌ره‌ى سه‌ندووه‌ و له‌لایه‌ن مه‌فره‌زه‌كانیشیانه‌وه‌ چاودێری ورد ده‌كرێن و ده‌ستگیر ده‌كرێن.

وتیشی “له‌ماوه‌ى 10 رۆژى رابردوودا 20 كه‌س له‌سه‌ر داربڕین و یه‌ك كه‌سیش له‌سه‌ر راوكردن ده‌ستگیركراون”.

ده‌ستگیركردنى ئه‌م كه‌سانه‌ له‌ سنوورى چه‌ند گوندێكی هه‌ڵه‌بجه‌ بووه‌.

ئاماژه‌ى به‌وه‌شكرد، به‌شێك له‌و ده‌ستگیركراونه‌ له‌لایه‌ن دادوه‌ره‌وه‌ به‌ كه‌فاله‌ت ئازاد كراون و هه‌ندێكیشیان ماون ئازاد بكرێن.

پـۆلیسی دارستان و ژینگەی هەڵەبجە شاخ و كێوه‌كان ده‌گه‌ڕێت بۆ پاراستنى كه‌ڵه‌هه‌رز

سێ راوچی ماسی دەستگیر کران

964+

دەشتی عارف ـ هەولێر

خاوەنی دوكانی هەرزان بازاڕی بەحرکە بەربانگەکەی بە ئیسراحەت نەکردەوە و دوکانەکەی سووتا، بەرگریی شارستانییش دەڵێت، هێشتا نەگەیشتوونەتە هۆكاری كەوتنەوەی ئاگرەكە و خەریكی لێكۆڵینەوەن.

سەر لە ئێوارەی ئەمڕۆ پێنجشەممە 13.3.2025  ئاگر لە دوکانێکی هەرزان بازاڕ لە ناحیەی بەحركەی سەر بە هەولێر کەوتەوە، کە کەلوپەلی ناوماڵ و شووشەواتی تێدا دەفرۆشت، بەهۆیەوە بەشێکی زۆری دوکانەکە سووتا.

تیمەکانی بەرگریی شارستانی بە دوو تیم زوو گەیشتنە شوێنی رووداوەکە و توانیان ئاگرەکە کۆنتڕۆڵ بکەن و دواتریش هاوکاری خاوەن دوکانەکەیان کرد لە کۆکردنەوەی ئەو کەلوپەلانەی، کە لەناو دوکانەکەدا بە سەلامەتی دەرهێنرابوون.

موقەدەم شاخەوان سەعید وتەبێژی بەرگریی شارستانیی هەولێر بە 964ی راگەیاند، ئاگرەكە لە 7:10 خولەك هەڵگیرساوە و لە 7:50 خولەك لە لایەن دوو تیمی بەرگریی شارستانییەوە كۆنتڕۆڵ كرا.

وتیشی، زیانی گیانی نەبووە، بەڵام زیانی ماددیی زۆر بەر دوكانەكە كەوت و زۆربەی كەلوپەلەكانی سووتان، هۆكاری ئاگرەكە هێشتا نادیارە و لە رێگەی كامێرای چاودێرییەوە خەریكی لێكۆڵینەوەن بۆ زانینی هۆكاری ئاگركەوتنەوەكە.

پێداچوونەوە: ئەرسەلان عەبدوڵا

ئاگرێک لە هەفتەی بازاڕی بەحرکە كەوتەوە