دیمەنی رووداوی هاتوچۆکەی کەلار.وێنە.هاتوچۆی گەرمیان
لە کەلار
دوو ئۆتۆمبێل بەیەکیاندادا و سێ کەسیان رەوانەی نەخۆشخانە کرد
964+
توانا نەقی
لەناو شاری کەلار لە شەقامی جوت سایدی شەهید کەمال بێویانی بەهۆی رووداوێکی هاتووچۆوە سێ کەس برینداربوون و رەوانەی نەخؤشخانە کران.
ئەمڕۆ شەممە هاتوچۆی گەرمیان بڵاویکردەوە، پاش نیوەڕۆ بەهۆی پێکدادانی دوو ئۆتۆمبێلی جۆری تۆیۆتا کرۆلا و مسیبوشی لانسەر لەشەقامی شەهید کەمال بێویانی شۆفێری هەردوو ئۆتۆمبێلەکە و سەرنشینێکی لانسەرەکە بریندابوون گواسترانەوە بۆ نەخۆشخانە.
دەشڵێت، ئۆتۆمبێلی جۆری تۆیۆتا بەئاراستەی رێگای سەرەکی گەڕەکی ئاوارەکان رۆیشتووە و ئۆتۆمبێلی جۆری لانسەر پێچکردنەوەی ئەنجامداوە بەهۆیەوە رووداوەکە روویداوە.
بریندارەکان لەدایک بووی (1989 ، 1986، 1980) بوون و سەرجەمیان گواسترانەوە بۆنەخۆشخانەی فریاکەوتنی شەهید هەژار، بەهۆی سەختی برینەکەیەوە سەرنشینی ئۆتۆمبێلی جۆری لانسەر رەوانەی سلێمانی کراوە.
