هەناردەی نەوتی هەرێم دەستیپێکردەوە
+964
فەرمان سادق
دوای وەستانی بەهۆی بوومەلەرزەکانی لە تورکیا روویاندا، وەزارەتی سامانە سروشتییەکان هەناردەکردنەوەی نەوتی راگەیاند.
کاتژمێر 9:45ـی ئەمشەو سێشەممە 7ـی شوبات، وەزارەتی سامانە سروشتییەکان رایگەیاند: هەناردەکردنەوەی نەوتی بۆ تورکیا لە رێگەی بۆڕییەوە دەستیپێکردەوە.
دەستپێکردنەوەی هەناردەکردنەوەی نەوت لە کاتێکدایە لە بەرەبەیانی 6ـی شوباتی ئەم مانگە بەهۆی ئەو بوومەلەرزەیەی هەردوو وڵاتی تورکیا و سووریای گرتەوە هەناردەکردنی نەوت لە بەندەرەکانی تورکیا راگیرا.