موچەی خانەنشینان بۆ مانگی دوو گۆڕانکاری بەسەردا دێت 

964+

توانا نەقی

وەزارەتی دارایی نیازی هەیە هەروا بەسەر موچەی خانەنشینانی هەرێمەوە نەڕوات و دەستکاری هاوتاکردنەکە بکات و دەڵێت لە دوای دەرچوونی بڕیاری دادگای فیدراڵییەوە دەیانگرێتەوە لە 2022ـەوەوە.

بڕیاری هاوتاکردنی موچەی خانەنشینی لەگەڵ عێراق لەلایەن دادگای فیدراڵیەوە لە 23.11.2022 دارکراوە و وەزارەتی دارایی عێراقیش داوای روونکردنەوەی لە دادگاکە کردووە و دەڵێت نابێت ئەوانەی پێش بڕیارەکە بگرێتەوە.

سۆران عومەر ئەندامی لیژنەی دارایی لە پەرلەمانی عێراق بە 964ـی وت، کێشەکە وەزارەتی دارایی عێراقە داوای روونکردنەوەی لە دادگای فیدراڵی کردووە و دەڵێت، بۆ موچەی مانگی یەک چاوپۆشییان کردووە بەڵام موچەی مانگی دوو بەو شێوازە نانێرن.

وتیشی، دەبێت لەگەڵ خانەنشینان سەردانی دادگای فیدراڵی بکەن و بۆ ئەوەی داوایان لێبکەن ئەو روونکردنەوەیەی وەزارەتی دارایی نەبێتە هۆی ئەوەی بڕیارەکەی دادگای فیدراڵی بەو جۆرە یاساییە جێبەجێ بکرێت و هاوتاکردن هی ساڵی پێش 2022 نەگرێتەوە.

سۆران عومەر ئاماژەی بەوەشکرد، وەزارەتی دارایی سورە لەسەر ئەوەی لە دەرچوونی بڕیارەکەوە لە دادگای فیدراڵی یاساکە واتە یاسای هاوتاکردنی موچەی خانەنشینی جێبەچی دەکەن و  هی پێش ئەوە لێی بەرپرسیار نین.

ئەوەی پێشتر هەرێم موچەکەی هاوتا کردبوو هەڵدەوەشێتەوە و دەیانەوێ پارەکەشیان لێ وەربگرنەوە، ئەمە ناحەقیە بەرامبەر بەخانەنشیننان و لەهەوڵداین یاسای خانەنشینی یەکگرتووی عێراق بەسەر هەموو خانەنشینان دا جێبەجێ بکرێت نەک تەنها ئەوانەی لەدوای دەرچوونی بڕیاری دادگای فیدراڵی خانەنشین بوو، سۆران عومەر وای وت.

هاوتاکردنی موچەی خانەنشینی لەگەڵ بەغدا پەسەند کرا