خەڵک سەیری زیانەکانی بومەلەرزەکە دەکەن. وێنە/سۆشیاڵ میدیا
ژمارەی قوربانیانی بومەلەرزەکەی تورکیا گەیشتە 4544 کەس
+964
فەرمان سادق
فەرمانگەی رووداوە سروشتییەکان و فریاکەوتنی تورکی رایگەیاند ژمارەی قوربانیانی بومەلەرزەکە گەیشتە 4544 کەس.
کاتژمێر هەشتی ئەمشەو، 7ـی شوبات، فەرمانگەی رووداوە سروشتییەکان و فریاکەوتنی تورکی، ئاماری ژمارەی قوربانیانی بومەلەرزەکەی بەرەبەیانی دووشەممەی رابردوو بڵاوکردەوە.
بەپێی راگەیەنراوەکە بێت، چوار هەزار و 544 کەس بەهۆی بوومەلەرزەکەوە گیانیان لە دەستداوە، هەروەها 26 هەزار و 751 کەسیش بریندار بووە.
هەر لە راگەیەنراوەکەدا هاتووە، لە بەرەبەیانی دووشەممەی رابردوو تا ئەمڕۆ سێشەممە، 422 بوومەلەرزە روویانداوە، بەهێزترینەکەی 7.6 پلەی رێختەر بوو کە سەنتەری شاری ئەلبیستانی گرتەوە لە ویلایەتی قەهرەمان.