دیمەنی ئەو کارگەیەی داخراوە.وێنە.پۆلیسی دارستان و ژینگەی سلێمانی
گەڕان بەردەوامە بەدوای سەرچاوەی بۆنە ناخۆشەکەی ئەو سنوورە
کارگەیەک لە عەربەت درا بە دادگا
964+
توانا نەقی
بەتۆمەتی پیسبوونی ژینگە و بڵاوبوونەوەی بۆنی ناخۆش کارگەیەکی سنووری ناحیەی عەربەت رێاکاری یاسایی بەرامبەر گیرایەبەر و درا بە دادگا.
پۆلیسی دارستان و ژینگەی سلێمانی بڵاویکردەوە، لەلایەن مەفرەزەکانیان و لایەنی پەیوەندیداریشەوە گەڕان بەردەوامە بەدوای بۆنە ناخۆشکەی ئەو سنوورە بە گشتی.
دەشڵێت، ئەو بۆنە ناخۆشە بووەتە هۆی بێزارکردنی خەڵکی سنوورەکانی قەزای هەڵەبجەی تازە و ناحیەکانی عەربەت و زەڕایەن و دەوروبەریان.
لە ئێستادا پەڕاوی لێکۆڵینەوەی بۆ ئەو کارگەیە رێکخراوە لە بنکەی پۆلیسی دارستان و ژینگەی عەربەت بۆ وەرگرتنی رێکاری یاسایی و کێشەکە لەژێر لێکۆڵینەوەدایە .
پۆلیس ئاماژەی بەوەکردووە، بەدواداچوون بەردەوامە سەبارەت بەو کۆمپانیا و کارگانەی تر لە سنوورەکەدا کە هۆکارن بۆ بڵاوبوونەوەی بۆنی ناخۆش و پیسبوونی ژینگە.
