بەعس و پەرلەمان و سوپاش هەڵوەشایەوە

ئەحمەد شەرع بەفەرمی بووە سەرۆكی كاتی وڵاتی سووریا

964+

فەرهاد حەسەن

لە سوریا، هه‌ڵوه‌شاندنه‌وه‌ی سوپای عه‌ره‌بی سوریا و ئه‌نجومه‌نی گه‌ل و ده‌ستوری ساڵی 2012 رایەگەیەندرا و ئه‌حمه‌د شه‌رعیش بەفەرمی وه‌كو سه‌رۆكی كاتی وڵات ده‌ستنیشانكرا.

حه‌سه‌ن عه‌بدولغه‌نی وته‌بێژی به‌شی ئۆپه‌راسیۆنه‌ سه‌ربازییه‌كانی سوریا، له‌ وتارێكدا پیرۆزبایی له‌ گه‌لی سوریا كرد به‌بۆنه‌ی سه‌ركه‌وتنی شۆڕشه‌كەیان و رۆژی 8ـی كانونی یه‌كه‌می هه‌موو ساڵێكیشی به‌ رۆژی نیشتمانی ئەم وڵاتە راگەیاند.

وتیشی “بڕیاردراوه‌ به‌ هه‌ڵوه‌شاندنه‌وه‌ی ده‌ستوری ساڵی 2012 و هه‌ڵپه‌ساردنی هه‌مو یاسا تایبه‌ته‌كان، هەڵوەشاندنەوەی ئه‌نجومه‌نی گه‌لی‌ سه‌رده‌می رژێمی پێشوو و سه‌رجه‌م لیژنه‌كانیش كه‌ له‌و ئه‌نجومه‌نه‌ پێكهێندرابوون، به‌هه‌ڵوه‌شاوه‌ داده‌نرێن”.

لەو بڕیارانەی كە عەبدولغەنی لە وتارەكەیدا ئاشكرای كردن، هه‌ڵوه‌شاندنه‌وه‌ی سوپای رژێمی پێشوو و دووباره‌ بنیادنانه‌وه‌ و دروستكردنه‌وه‌ی سوپای سوریا له‌سه‌ر بناغه‌ نیشتمانییه‌كان، هه‌ڵوه‌شاندنه‌وه‌ی سه‌رجه‌م داموده‌زگا ئه‌منییه‌كانی سه‌ر به‌ لق و ناوه‌ جۆراوجۆره‌كانی و هه‌موو ئه‌و میلیشیایانه‌ی كه‌ پێشتر هه‌بوون، لەجێیاندا دامه‌زراوه‌یه‌كی نوێی ئه‌منی كه‌ ئاسایشی هاوڵاتیان بپارێزێت دروستده‌كرێت.

هه‌ڵوه‌شاندنه‌وه‌ی پارتی سۆسیالیستی به‌عسی عه‌ره‌بی و پارته‌كانی به‌ره‌ی پێشكه‌وتنخوازی نیشتمانی و رێكخراو و داموده‌زگا و لیژنه‌كانی سه‌ر به‌و پارتانه‌ به‌ هه‌ر ناوێكی دیكه‌ پێكبهێندرێنه‌وه‌ قه‌ده‌غه‌یه‌، ته‌نها له‌ حاڵه‌تێكدا نه‌بێت كه‌ هه‌موو سه‌روه‌ت و سامانه‌كانیان بگه‌ڕێننه‌وه‌ بۆ ده‌وڵه‌تی سوریا.

له‌مه‌ودوا هه‌موو گروپه‌ سه‌ربازییه‌كان، ئۆرگانه‌كانی شۆڕشگێڕی سیاسی و مه‌ده‌نی هه‌ڵده‌وه‌شێنه‌وه‌ و تێكه‌ڵ به‌ داموده‌زگاكانی ده‌وڵه‌ت ده‌بن، هه‌روه‌ها فه‌رمانده‌ ئه‌حمه‌د شه‌رع له‌ ماوه‌ی راگوزه‌ردا پۆستی سه‌رۆكایه‌تی وڵات ده‌گرێته‌ ئه‌ستۆ و ئه‌ركه‌كانی سه‌رۆكایه‌تی كۆماری عه‌ره‌بی سوریا جێبه‌جێده‌كات و نوێنه‌رایه‌تی ده‌كات له‌ كۆڕ و كۆڕبه‌نده‌ نێوده‌وڵه‌تییه‌كان.

ده‌سه‌ڵات ده‌درێته‌ سه‌رۆك كۆمار بۆ پێكهێنانی په‌رله‌مانێكی كاتی بۆ قۆناغی راگوزه‌ر، كه‌ ئه‌ركه‌كانی خۆی ده‌گرێته‌ ئه‌ستۆ تا ده‌ستوورێكی هه‌میشه‌یی بۆ وڵات په‌سه‌ند ده‌كرێت و ده‌چێته‌ ناو هێزی جێبه‌جێكردنه‌وه‌.

سوریای نوێ؛ کاڵای ئێرانی، روسی و ئیسرائیلی ناوێ

سوریای نوێ؛ کاڵای ئێرانی، روسی و ئیسرائیلی ناوێ