بانکی ناوەندی؛ بڕیار بۆ داخستنی دەروازەکانی ئاڵوگۆڕی دراو دەرنەچووە

964+
ئەحمەد مستەفا

تا ئێستا هیچ بڕیار و رێنماییەکی تایبەت بە داخستنی دەروازەکانی ئاڵوگۆڕی دراو، یان گۆڕینی بۆ کۆمپانیاکانی ئاڵوگۆڕ دەرنەچووە، ئەم قسەی بانکی ناوەندی عێراقە و قسەی دیکەشی هەیە.

ئەمڕۆ شەممە 18.1.2025، بانکی ناوەندی عێراق لە بەیاننامەیەکدا بڵاویکردەوە، دەربارەی گۆڕانکاری لە رێنماییەکانی ئاڵوگۆڕی دراو دەڵێ، تا ئێستا هیچ بڕیار و رێنماییەکی تایبەت بە داخستنی دەروازەکانی ئاڵوگۆڕی دراو، وە گۆڕینی بۆ کۆمپانیاکانی ئاڵوگۆڕ دەرنەچووە.

لەو بەیاننامەدا دەنگۆیەک رەتدەکاتەوە و دەڵێت، بانکی ناوەندیی داوا دەکات هەواڵ لەسەرچاوە فەرمییەکان وەربگیرێت و دەنگۆی داخستنی دەروازەکانی ئاڵوگۆڕکردن رەتدەکاتەوە.

بانکی ناوەندیی، لەسەر فراوانکردنی دەروازەکانی رادەستکردنی نەختینە لەڕێگەی سەرجەم هۆکارە بەردەستەکان، وەک ئامێرەکانی پارەدانی ئەلیکترۆنی ATM و ئامێری پارەدانی نەختینە pos، بە هەمان شێوەش کۆمپانیا رێگەپێدراوەکانی دراو.

بانکی ناوەندی مامەڵە بە خانووی گرانبەها سنوردار دەکات