"بەنیازی نوێژە بارانەشن"
خەڵکی خەلەکان لای خێمەکەیانەوە نوێژی هەینییان کرد
964+
ژێوار خدر
دانیشتووانی دۆڵی خەلەکان بۆ رۆژی چوارەم بەردەوامن لە گردبوونەوە و ناڕەزایەتی دەربڕین و ئەو خێمەیە جێناهێڵن کە لەسەر رێگەی رانیە – سلێمانی هەڵیانداوە، ئەمڕۆش نوێژی هەینییان هەر لەو شوێنە بەیەکەوە ئەنجامدا و بڕیاریشە کاتژمێرێکی دیکە هەر بە کۆمەڵ نوێژە بارانەیەکیش بکەن و نزا بۆ باران بارین بکەن و دەڵێن، “نا‌هێڵین مێرولویەکیش لەم رێگەیەوە رەت بێت نەک ئۆتۆمبێل.”
محەمەد ئیسماعیل یەکێکە لە خۆپیشاندەرەکان بە 964ـی وت، “ژمارەمان 50 بۆ 60 کەس دەبێ و نوێژی هەینیمان لێرە ئەنجامدا و بەنیازین کاتژمێرێکی کە بە کۆمەڵ نوێژە بارانە ش بکەین.”
وتیشی، “نیازی چۆڵکردنی رێگەکەمان نییە و هەتا وەڵامی داواکارییەکانمان نەدرێتەوە، رێگە بە تێپەڕبوونی مێرولەش نادەن نەک ئۆتۆمبێل.”
گردبوونەوە خەڵکی دۆڵی خەلەکان و داخستنی رێگەی رانیە بۆ سلێمانی، بۆ ئەوە دەگەڕێتەوە کە ماوەی 12 ساڵ دوو سایدی رانیە – سلێمانی دەستیپێکردووە و ماوە ماوە کاری تێدا دەکرێت و دواتر کارەکانی دەوەستێ و ئەوەش بووەتە هۆی بێزاری هاوڵاتییانی ناوچەکە و کەمی کارەباش داواکارییەکی دیکەی خۆپیشاندەرانە.
