بڕیاردرا؛ نرخى گۆشتى بەرخ بۆ 16 هەزار دینار دابەزى

964+

وریا فەتاح

بەڕێوەبەرایەتیى چاودێرى بازرگانیى سۆران بڕیاری دا بە دابەزاندنى نرخى گۆشتى سوور و بەرزترینى کیلۆى بە 16 هەزار و کەمترینى بە 12 هەزار دینارە.

بەڕێوەبەرایەتییەکە بڵاوى کردەوە، ئەمڕۆ بە هەماهەنگى لەگەڵ قایمقامیەتى قەزاى ناوەندى سۆران، لەگەڵ نوێنەرى گۆشتفرۆشەکان کۆبوونەتەوە و سەبارەت بە دابەزاندنى نرخى گۆشتى سوور بڕیاریان داوە.

ئاشکراشى کردووە، نرخى یەک کیلۆ گۆشتى گیسک و بەرخ کراوە بە 16 هەزار دینار و گۆشتى نەرمکەى گۆلک بە 14 هەزار و گۆشتى گۆلک بە ئێسکەوە بە 12 هەزار دینار، دیاریکراوە.

جەختیش لەوە کراوەتەوە، نابێت هیچ گۆستفرۆشێک گۆشت لە ناو قاپ دابنێت و داشکاندنیش لە نرخەکان بەبێ رەزامەندى چاودێریى بازرگانى بە هەموو شێوەیەک قەدەغە کراوە.

روونیشکراوەتەوە، بە هیچ شێوەیەک رێگە بە قیمەى ئامادەکراو نادرێت و هەر گۆشتفرۆشێک سەرپێچى بکات رێکارى یاسایى بەرامبەر دەگیرێتەبەر.

نەرمە گۆشت بە چەندە؟