دوو دیمەن لە سەردانی دوو شوێنەکەی هەولێر ... وێنە؛ فه‌رمانگه‌ى ژینگه‌ى هه‌ولێر
گرته ڤیدیۆیه‌كان بینیبوو
ژینگه‌ى هه‌ولێر هۆشدارى دایه كارگه‌یه‌كی قیڕ و خاوه‌ن ئاژه‌ڵێكیشی پابه‌ند كرد
964+
فه‌رهاد حه‌سه‌ن
لیژنه‌كانى فه‌رمانگه‌ى ژینگه‌ى هه‌ولێر به جیا سه‌ردانى دوو شوێنێیان كرد، یه‌كه‌میان كارگه‌یه‌كی قیڕ بوو هۆشداریان پێدا كه له‌ماوه‌یه‌كی دیاریكراو چاره‌سه‌رى كێشه‌و گرفته‌كانى بكات و دووه‌میشیان كێڵگه‌یه‌كی به‌خێوكردنى ئاژه‌ڵ بوو پابه‌ندی رێنماییه‌كانیان كرد.
هه‌ردوو سه‌ردانه‌كه‌یان ئه‌مڕۆ سێشه‌ممه 31.12.2024 بۆ ئه‌م دوو شوێنه ئه‌نجام دا.
دڵشاد حسێن هیرانی بەڕێوەبەری فەرمانگەی ژینگەی هەولێر بە 964ـى وت، کێلگەی بەخێوکردنى ئاژەڵه‌كه، بێ ره‌چاوكردنى رێنماییه ژینگه‌ییه‌كان كارى به‌خێوكردنى ئاژه‌ڵى ده‌كرد و كارگه‌ى قیڕه‌كه‌ش دوكه‌ڵێكی زۆرى بڵاوده‌كرده‌وه.
وتیشی “دواى ئەوەى گرتە ڤیدیۆیەک لە سۆشیال میدیا بلاوبۆوە لەسەر ئەم کارگەیەی قیڕ لە سنورى بەستۆرە، لیژنەیەکمان راسپارد و سه‌ردانمان كرد، بینیمان گرته ڤیدیۆیه‌كه راست ده‌رچوو و كاركه‌گه دوكه‌ڵێكی زۆر بڵاوده‌كاته‌وه”.
هۆشداری به خاوه‌ن کارگەکه دراوە و ماوه‌ى 10 رۆژ بۆ چارەسەرکردنى کێشەى دوکەڵەكه پێدرا و دواتریش بەڵێنامەیان پێ پڕکرده‌وە كه پێویسته له‌وكاته دیاریكراوه‌دا كێشه‌كانى چاره‌سه‌ر بكات و سه‌ردانى فه‌رمانگه‌كه‌شیان بكات.
فه‌رمانگه‌ى ژینگه‌ى هه‌ولێر سكاڵاى یاسایی له‌سه‌ر 20 هاوڵاتى تۆمار كردووه
