لە هەڵەبجە لە دایکبوونى کچان پێش کوڕانى دایەوە

964+

وریا فەتاح

لەگەڵ ئەوەى زۆربەى پۆستە گرنگەکانى هەڵەبجە لە دەست ژنان، لە منداڵبونیشدا رێژەى لە دایکبوونى کچان زیاترە لە کوڕان.

لە 2024 دا، یەک هەزار و 573 منداڵ لە هەڵەبجە لە دایکبوون

دکتۆر هودا ئەحمەد رەشید، بەڕێوەبەرى نەخۆشخانەى منداڵبوون و منداڵانى هەڵەبجە بە 964ـى وت،” لە 2024 دا، یەک هەزار و 573 منداڵ لە هەڵەبجە لە دایکبوون، لەو ژمارەیە 793 منداڵیان لە رەگەزى مێن و 780 منداڵیان لە رەگەزى نێرن و 13 منداڵى کچ زیاترە بەراورد بە کوڕ”.

لە هەڵەبجە رەگەزى مێ هەر لە لەدایکبوون لە پێش رەگەزى نێر نین، بەڵکو زۆربەى پۆستە گرنگەکانى شارەکەش بە دەستى ژنانەوەن بەم شێوەیە:

نوخشە ناسیح- قایمقامی قەزای ناوەندی ھەڵەبجە

چیا قاسم- بەڕێوبەری گشتی گەشتوگوزاری ھەڵەبجە

خێڵان عەبدولرەحمان – بەڕێوبەری گشتی شارەوانیەکانی ھەڵەبجە

ھودا ئەحمەد – بەڕێوبەری نەخۆشخانەی مناڵبوون و منداڵانی ھەڵەبجە

ژیار ئەکرەم – بەڕێوبەری نەوت و کانزاکانی ھەڵەبجە

تارا ئەحمەد – بەڕێوبەری بەڕێوەبەرایەتی کار و راھێنانی پیشەیی ھەڵەبجە

دڵنیا فارووق – سەرۆکی لیژنەی باڵای لیژنەکانی قایمقامیەت

گوڵستان ئەحمەد – بەڕێوبەری مافی مرۆڤی ھەڵەبجە