دەروازەی قائیم بەڕووی گەشتیاری و بازرگانی داخرایەوە

964+

ئەحمەد مستەفا

عێراق تائێستا بە حەزەرەوە مامەڵە لەگەڵ تاکە دەروازەکەی لەگەڵ سوریا دەکات، ئەوەش دوای ئەوەی بە شێوەیەکی سنووردار دەروازەی نێودەوڵەتیی قائیم کرابوویەوە، جارێکی دیکە دەروازەکە بەڕووی هاتوچۆی گەشتیاری و بازرگانی داخرایەوە.

ئەمڕۆ شەممە 28.12.2024، میدیاکانی عێراق بڵاویانکردەوە، ماوەی دوو رۆژە دەروازەی سنوری قائیم داخراوە و رێگا بە هیچ هاوڵاتییەک نادرێت تێپەڕێت.

دەروازەی نێودەوڵەتیی قائیم تاکە دەروازەی سنوری نێوان عێراق و سوریایە، لەدوای کەوتنی دەسەڵاتی بەشار ئەسەد بە شێوەیەکی سنوردار بەڕووی هاتوچۆی بازرگانی و هاتوچۆی هاوڵاتییان کرابوویەوە.

بەڵام، وا دوو رۆژە دەروازەکە داخراوە و  میدیاکان دەڵێن، ئەو ئۆتۆمبێل و هاوڵاتییانەی رێگایان پێدراوە تێپەڕبن بە بڕیاری دەسەڵاتێکی باڵای ئەمنی بووە.

دەروازەی سنووری قائیم بۆ عێراقییەکان کرایەوە