وەرزى قەل و قازە
قەل و قاز دزەکەى چەمچەماڵ دەستگیرکرا
964+
وریا فەتاح
وەرزەکە، وەزرى قەل و قاز خواردنە، تۆمەتبارێکیش لە چەمچەماڵ ئەوەى بە فرسەت زانیوە و لەماوەى رابردوو قەل و قازى زیاتر لە 20 ماڵى دزیوە، بەڵام زیاتر بەردەوام نەبوو و لەسەر سکاڵاى هاوڵاتیان پۆلیس دەستگیرى کرد.
بەپێى راگەیەنراوى پۆلیسى سلێمانى، دوای ئەوەی زیاد لە 20 هاوڵاتی سكاڵایان لە نوسینگەی نەهێشتنی تاوانی چەمچەماڵ تۆماركرد كە پەلەوەریان لە جۆری (قەل و قاز ) لێدزراوە، هێزەكانی پۆلیس لێكۆڵینەوەو بەدواداچوونەكانیان دەستپێكرد.
دەشڵێت: بەسود وەرگرتن لە كامێراكانی چاودێری توانرا لە لایەن مەفرەزەكانی نوسینگەی نەهێشتنی تاوانی چەمچەماڵەوە تۆمەتبار بدۆزرێتەوەو دەستگیربكرێت و دەستیش بگیرێت بەسەر چەندین قەل و قازی دزراودا.
سەرکەوت ئەحمەد، وتەبێژى پۆلیسى سلێمانى بە 964ـى وت،”ئەو کەسە بە شوێنێک و دوو شوێن نەوەستاوە، هەر شوێنێک قەل و قازى لێ بووبێت بەسەریداداوە و دزى لێکردووە”.
باسى لەوەشکرد، زۆربەیانى لەبازاڕدا فرۆشتووە و تەنیا چەند دانەیەکى جوانى و باشى لاى خۆى هەڵگرتبوو، ئەوانیش دەستیان بەسەرداگیراوە.
لە ئێستادا تۆمەتبار ( ش ، أ ، غ لەدایكبووی 1989 ) بەبڕیاری دادوەرو بەپێی ماددەی 443 لەیاسای سزادانی عیراقی ڕاگیراوەو دانی ناوە بە تاوانەكەیدا.
