نەخشەکەی حکومەت.. گرافیک؛ 964+
دەستکرا بە دابەشکردنی موچەی مانگی 10
ئەم مانگە 191300 موچەخۆر لە رێگای هەژماری منەوە موچە وەردەگرن
964+
فه‌رهاد حه‌سه‌ن
له‌مڕۆ سێشه‌مه‌وه 17.12.2024 ده‌ست به دابه‌شكردنى موچه‌ى مانگى 10ـى ئه‌مساڵ ده‌كرێت و حكومه‌تیش ده‌ڵێت، ئەم مانگە 191 هه‌زار و 300 موچەخۆر لە رێگای هەژماری منەوە موچە وەردەگرن.
به‌پێی ئه‌و نه‌خشه‌یه‌ی حكومه‌تى هه‌رێم دروستیكردووه، بۆ موچه‌ى ئه‌م مانگه 35 هه‌زار و 300 پێشمه‌رگه، 156 هه‌زار فه‌رمانبه‌رانى مه‌ده‌نى و 50 هه‌زار و630 مامۆستا، سووده‌مه‌ند ده‌بن و موچه وه‌رده‌گرن.
دابه‌شكردنى موچه به‌شێوه‌ى دیجیتاڵى به‌شێكی دیارى ئه‌و نه‌خشه‌یه‌ى حكومه‌ته، ده‌ریخستووه كه له مانگى نیسانى ئه‌مساڵه‌وه تا مانگى تشرینی یه‌كه‌م ژماره‌ى وه‌رگرانى موچه به شێوه‌ى دیجیتاڵى و له رێگه‌ى هه‌ژمارى من له زیادبووندایه.
له مانگى نیسان 25 هه‌زار فه‌رمانبه‌ر، ئایار 50 هه‌زار، حوزه‌یران 75 هه‌زار، ته‌مموز 120 هه‌زار، ئاب 132 هه‌زار، ئه‌یلول 152 هه‌زار فه‌رمانبه‌ر موچه‌يان وەرگرتووە و له‌مانگى تشرینی یه‌كه‌میش کە موچەکەی ئەمڕۆیە 191 هه‌زار فه‌رمانبه‌ر موچه وه‌رده‌گرن.
مامۆستایانى وانه‌بێژ یه‌كه‌م موچه‌ى گرێبه‌ستیان له سه‌ره‌تاى مانگى داهاتوو وه‌رده‌گرن
