نرخی نەوت کەمێکی تر دابەزی
لە دوێنێ زیاتر دابەزی
نرخی نەوت هاتە ژێر 74 دۆلار
964+
ژێوار خدر
نرخی نەوت ئەمڕۆش چەند سەنتێک دابەزی و لە دوای دوو رۆژ هاتە ژێر 74 دۆلارەوە.
لە هەفتەی رابردوودا گرژییەکانی سوریا کاریگەرییان هەبوو لەسەر دابەزینی نرخی نەوت، بەڵام چەند رۆژی رابردوو رووی لەسەرەوە بوو
ئەمڕۆ سێشەممە 17.12.2024 نرخی یەك بەرمیل نەوتی خاوی برێنت لەگەڵ کردنەوەی بازاڕی جیهانیدا بە 73 دۆلار و 22 سەنت مامەڵەی پێوە دەکرێ، بەوەش 0.39% دابەزینی بەخۆوە بینیوە بەراورد بە نرخەکەی دوێنێی.
هەروەها نرخی یەك بەرمیل نەوتی سووكی تێكساس بە 70 دۆلار و 58 سەنت مامەڵەی پێوە دەکرێت و 0.31% دابەزیوە
دوای کەوتنی رژێمی سوریا و گۆڕانکارییە خێراکانی ناوچەکە، نرخی نەوت کەمێک دابەزینی بەخۆیەوە بینی، هۆکارێکی دیکە ئەوەیە کە بازرگانانی جیهان چاوەڕێی سزای زیاتر بۆ سەر ئێران و روسیا وەک دوو گەورە بەرهەمهێنەری نەوت دەکەن.
