دابەشکردنی نەوت لە گەرمیان. فۆتۆ: ئیدارەی گەرمیان
بۆ هەر خێزانێک 100 لیتر
دانیشتووانی هەولێر و چەمچەماڵ لیترێک نەوتیان بە 150 دینار پێدەدرێت
964+
ژووری هەواڵ
ئەو خێزانانەی کە بەشەخۆراکیان لەسەر کەرکوکە و دانیشتووی چەمچەماڵ و بازیان و هەولێرن، لەلایەن حکومەتی عێراق بڕی 100 لیتر نەوتیان پێدەدرێت.
ئەمڕۆ شەممە 14.12.2024، غەسان وادی، بەرپرسی راگەیاندنی کۆمپانیای دابەشکردنی بەرهەمە نەوتییه‌کانی کەرکوک، سەر بە وەزارەتی نەوتی عیراق، بە 964ی وت، تەنکەری تایبەت بە کۆمپانیاکە دەچنە هەولێر و چەمچەماڵ و بازیان و لەو شوێنانە هەر خێزانێک بڕی 100 لیتریان پێدەدرێت، کە دەکاتە نزیکەی نیو بەرمیل.
بۆ هەر لیترێک بڕی 150 دینار دیاریکراوە و 100 لیترەکە دەکاتە 15 هەزار دینار، غەسان وادی وای وت.
بە وتەی بەرپرسی راگەیاندنی کۆمپانیای دابەشکردنی بەرهەمە نەوتییه‌کانی کەرکوک، لە دوێنێوە دابەشکردنی ئەو نەوتە دەستیپێکردووە و ئەو خێزانانە سوودمەند دەبن کە سەر بە ماددەی 140ـن.
