فڕۆکەخانەى نێودەوڵەتى هەولێر
بۆ ماوەیەکى نادیار
گەشتەکانى نێوان هەولێر و دیمەشق راگیران
964+
وریا فەتاح
بەڕێوەبەرى فڕۆکەخانەى هەولێر رایگەیاند، گەشتە ئاسمانییەکانى نێوان هەولێر و دیمەشق راگیران.
ئەحمەد هۆشیار، بەڕێوەبەرى فڕۆکەخانەى هەولێر بە 964ـى وت،”لەلایەن هێڵى فڕۆکەوانى شام وینگز ئاگادار کراینەوە کە هیچ گەشتێکیان نابێت لە نێوان هەولێر و دیمەشق”.
وەک ئەوەى باسى دەکات، جارێ نازانن وەستانى گەشتەکان چەند دەخایەنێت.
ئەوە لە کاتێکدایە، بەرەبەیانى ئەمڕۆ یەکشەممە، رژێمى ئەسەد لە سوریا کەوت و ئۆپۆزسیۆن چووە ناو دیمەشقى پایتەختەوە و بەشارى سەرۆکیش رایکرد.
