کەمێک پێش ئێستا روویدا
ئۆتۆمبێلێک بەهۆى تیژڕۆییەوە لە شەقامى 100 مەترى هەولێر وەرگەڕاو کەوتەسەر پشت
964+
وریا فەتاج
بەدیاریکراوى کاتژمێر 11:08 خولەکى ئەمشەو، ئۆتۆمبێلێکى جۆرى ڤۆڵکس واگن تایبەت لەسەر شەقامى 100 مەترى هەولێر وەرگەڕاو بەهۆیەوە شۆفێرەکەى بریندار بوو.
بەپێى لێدوانى شایەدحاڵەکان، ئۆتۆمبێلەکە بە خێراییەکى زۆر رۆیشتووەت لەو کاتەدا ماتۆڕێک لەبەردەمى بووە و ویستوویەتى لابدات، بەڵام خۆى پێنەگیراوەتەوە و کەوتووەتە سەرپشت.
وەک شایەدحاڵەکان باسى دەکەن، لەناو ئۆتۆمبێلەکەدا تەنیا شۆفێرەکە هەبووە و بریندار بووە و گەیەنراوە بۆ نەخۆشخانە.
رووداوەکە بە دیاریکراو لە شەقامى 100 مەتر لەبەردەم گوندى ئیتاڵى یەک روویداوە.
