چەند رۆژێکە نرخی نەوت تاڕادەیەک جێگیرە
بارودۆخی بازاڕ سەقامگیر نییە
بەرمیلێک نەوت بە 71 دۆلار و شتێکە
964+
وریا فەتاح
نرخى نەوت ناجێگیرە، بەڵام ماوەیەکە لە نێوان 70 بۆ 75 دۆلار دێت و دەچێت.
ئەمڕۆ سێشەممە 3.12.2024، نرخی یەك بەرمیل نەوتی خاوی برێنت بە 71 دۆلار و 98 سەنت دیاری کراوە و بە رێژەى 0.15 سەنت بەرز بووەتەوە.
هەروەها نرخی یەك بەرمیل نەوتی سووكی تێكساس بە 68 دۆلار و 18 سەنت مامەڵەی پێوە دەکرێت و بە رێژەى 0.8 سەنت بەرز بووەتەوە.
ئاگربەست لە لوبنان و دۆخى ئێستای سوریا، دوو لە پێکهاتە گرنگەکانن کە کاریگەرییان لەسەر نرخى نەوت هەیە و ئەگەر دۆخى سوریا ئاڵۆز نەبوایە ئەگەری هەبوو نرخى نەوت بەرز ببێتەوە.
ساڵى رابردوو لەو کاتەدا نرخی یەک بەرمیل نەوتی خاوی برێنت بە 78 دۆلار و 88 سەنت مامەڵەی پێوە دەکرا.
