دیمەنێکی دابەشکردنی نەوت..
لە چەند گەڕەکیک دابەشدەکرێت
نەوتەکە سبەی دەگاتە ناحیەی شۆڕش
964+
ژێوار خدر
سبەی نەوتە 104 هەزارییەکەی حکومەتی هەرێم دەگاتە ناحیەی شۆڕش و لە چەند گەڕەکێکی ئەو ناحیەیە دابەشدەکرێت.
بەڕێوەبەرایەتی ناحیەی شۆڕش ئاگادارییەکی بڵاوکردووەتەوە دەڵێت، سبەی 3.12.2024، کاتژمێر 9:30ـی سەر لە بەیانی لە چەند گەرەکێکی ناحیەکەیان دەستدەکرێت بە دابەشکردنی نەوت.
دەشڵێت، هەر یەک لە گەڕەکەکانی پیریادییەکان، قادرکەرەمییەکان، قەرەهەنجیرییەکان و مۆفەرییەکان نەوت وەردەگرن.
روونیشیکردووەتەوە، هاوڵاتییان پێویستە لەكاتی وەرگرتنی بەشە نەوت کارتی زیرەکی نەوت و کۆپی ناسنامە یان کارتی نیشتیمانی پێ بێت و 200 لیتر نەوتی سپی بە 104 هەزار دینار بە هاوڵاتیان دەدرێت.
ئەمە لە کاتێکدایە هەفتەی رابردوو،ئەو هاوڵاتیانەی ناحیەی شۆڕش کە فۆڕمی خۆراکیان کەرکوکە نەوتیان بۆ هات، و 100 لیتریان بە 15 هەزار دینار وەرگرت.
