هەولێر
کارمەندانى گرێبەستى تەندروستى گردبوونەوە
+964
دەشتی عارف ـ هەولێر
کارمەندانى گرێبەستى تەندروستی کە ژمارەیان 890 فەرمانبەرە و ساڵانێکە خزمەت دەکەن، داوادەکەن دابمەزرێندرێن.
محمد حاجی علی، یەکێک لە کارمەندان بە 964ـى وت،” ماوەى 13 ساڵە وەک کارمەندێکى هەمیشەیى کارم کردووە، لەشەڕى داعش و لە کاتى کۆرۆناش هاوکارێکى گەورە بووین، بەڵام ئێستا دەڵێن ئەو کارمەندانەى سەر بە گەشەپێدانن ناکرێن بە هەمیشەیى”.
ئەو کارمەندانە داوا دەکەن، بخرێنە سەر وەزارەتى تەندروستى بڕیارى بە هەمیشەیى بوونیان بۆ دەربکرێت.
بەشێک لەو کارمەندانە سەر بە میلاکى وەزارەتى داراین و بەشێکى دیکەیان سەر بە گەشەپێدانن، زۆربەیان خزمەتى زیاتر لە 10 ساڵیان هەیە، بەڵام چاوەڕێى ئەوەن بکرێن بە هەمیشەیى.
پێداچوونەوە: وریا فەتاح