لیژنەى موەلیدە ئەهلییەکان لە کاتى پێوانەکردنى کارەباى جۆزە _ وێنە: لیژنەى موەلیدە ئەهلییەکان
لە سلێمانی
نرخی ئەمپێری کارەبای موەلیدە ئەهلییەکان بۆ مانگی 11 دیاری کرا
964+
شۆڕش قادری
لە سلێمانی نرخی ئەمپێری کارەبای موەلیدە ئەهلییەکان بۆ مانگی 11 دیاری کرا و لە نێوان نۆ بۆ 10 هەزار دینارە.
بەپێی راگەیەنراوێکی بەڕێوەبەرایەتی گشتی کارەبای سلێمانی، “لیژنەی دیاریکردنی نرخی موەلیدە ئەهلییەکان نرخی ئەمپێری کارەبای موەلیدەی بۆ مانگی 11 دیاریکردووە و بەپێی نرخی سوتەمەنی لە بازاڕدا، نرخی هەر کاتژمێرێک کارەبای موەلیدە بۆ یەک ئەمپێر 43 دینارە، بەوەش نرخی یەک ئەمپێر کارەبای موەلیدەی گەڕەکەکان لە نێوان نۆ بۆ 10 هەزار دینارە”.
ئاماژەی بەوەشکردووە، بەو پێیەى موەلیدەکان لە نێوان (225 بۆ 235) کاتژمێر کاریان کردوە، به‌هۆی جیاوازی كارکردنیان نرخی ئه‌مپێرێك له گه‌ڕه‌كێك بۆ گه‌ڕه‌كێكی دیكه جیاواز ده‌بێت.
لیژنه‌ی دیاریكردنی نرخی موه‌لیده ئه‌هلییه‌كان لە سلێمانی جه‌خت لەوە دەکاتەوە كه له‌كاتی كوژاندنه‌وه‌ی كاره‌بای نیشتیمانی نابێت كارپێكردنی موه‌لیده و پێدانی كاره‌با به‌هاوڵاتیان له پێنج خوله‌ك زیاتر بخایه‌نێت، به‌پێچه‌وانه‌وه خاوه‌ن موه‌لیده‌كه سزاده‌درێت.
نرخی ئەمپێری کارەبای موەلیدە بۆ مانگی 10 دیاری کرا
