وێنەی ئەو گەنجەی لە کەرکوک کەوتووەتە ناو چاڵێکەوە - وێنە: ئەنجومەنی پارێزگای کەرکوک
ئەنجومەنی پارێزگای کەرکوک:
گەنجە عەرەبەکە نەڕفێنراوە؛ کەوتووەتە ناو چاڵێکەوە
964+
شۆڕش قادری
سەرۆکی ئەنجومەنی پارێزگای کەرکوک ئەو دەنگۆیانە رەتدەکاتەوە کە باس لەوەدەکەن، گەنجێکی عەرەب رفێنراوە و ئەشکەنجە دراوە و دەڵێت، ئەو گەنجە کەوتووەتە ناو چاڵێكەوە.
ماوەی چەند رۆژێکە لە کەرکوک دەنگۆی ئەوە بڵاوبووەتەوە کە دوای دەستبەکاربوونی ئیدارەی نوێی کەرکوک، گەنجێکی عەرەب لەلایەن چەند کەسێکی نەناسراوەوە رفێنراوە و ئەشکەنجە دراوە و تاوەکو ئێستاش بێهۆشە.
ئەو دنگۆیانە محەمەد ئیبراهیم سەرۆکی ئەنجومەنی پارێزگای کەرکوکی هێنایە دەنگ و لە راگەیەنراوێکدا دەڵێت، “دوای بەدواداچوون و بە هەماهەنگی لەگەڵ فەرماندەیی پۆلیسی کەرکوک و دەزگا ئەمنییەکان، دەرکەوت کە ئەو گەنجە ناوی یاسر عەبادیـیە و نەشڕفێنراوە، بەڵکو کەوتووەتە ناو چاڵێکەوە لە نزیک گەراجی حەویجە”.
سەرۆکی ئەنجومەنی پارێزگای کەرکوک ستایشی رۆڵی هێزە ئەمنییەکان و هەموو ئەو کەسانە دەکات کە بەشداربوون لە ئاشکراکردنی راستییەکان و دڵنیاکردنەوەی هاوڵاتیان، هاوکات داوای بەردەوامی هاوکاری و تەبایی نێوان پێکهاتەکانی کەرکوک دەکات بۆ پاراستنی ئاسایشی شارەکە.
كەركوک بە دوای تاوانبارانی ئەشكەنجەدانی گەنجێكدا دەگەڕێت
