دوو دیمهنى لهكاتى دروستكردنى پڕۆژهكهى سهر رووبارى خانكێ... وێنه: سۆشیاڵ میدیاى ناحیهى خانكێ.
بۆ دوو ناحیه و قهزایهك و بهشێكى سهنتهرى دهۆكه
پڕۆژهیهكی گهورهى گواستنهوهى ئاو لهسهر رووبارى خانكێ دهستیپێكردووه
964+
فهرهاد حهسهن
له سهر ئاوى رووبارى خانكێ پڕۆژهیهك بۆ گواستنهوهى ئاو دهستپێكردووه لهرێگهى دروستكردنى ئهمبارى كۆكردنهوهى ئاو، ئاوى رووبارهكه دهگوازێتهوه بۆ سهنتهرهكانى ناحیهى خانكێ، فایده و قهزاى سێمێل و بهشێكی ناو سهنتهرى پارێزگاى دهۆك.
پڕۆژهكه ئهنتیكێ ئاوى خانكێی پێدهڵێن و له سهر ئاوى رووبارى ئهم ناحیهیه بونیات دهندرێت و زیاتر له چوار ملیار دینارى بۆ تهرخان كراوه.
زهردهشت شێخ شامۆ، بهڕێوهبهرى ناحیهى خانكێ به 964ـى وت، ئهمبارێكی كۆنكرێتى له لێوارى رووبارهكه دروستدهكرێت و دواى كۆكردنهوهى ئاو تیایدا ئاوهكه دهگوازێتهوه بۆ ئهم چهند شوێنه.
وتیشی “پڕۆژهكه رۆژانه ههزار و 300 مهتر موكهعهب ئاو بهرههم دههێنێت و جگه لهناوخۆى سهنتهرى خانكێ ناحیهیهكى دیكه و قهزایهك و بهشێكى ناو سهنتهرى دهۆك سوودى لێ وهردهگرن”.
ئاماژهى بهوهشكرد، بودجهى پڕۆژهكه چوار ملیار و 340 ملیۆن و 987 ههزار دیناره و لهلایهن دوو كۆمپانیاوه كارى جێبهجێكردنى بۆ دهكرێت كه بریتین له كۆمپانیاكانى لەڤەند و دۆسکی گروپ.
رههنیشیكردهوه، له ئهگهرى كهمبوونهوه و دابهزینی ئاستى ئاوى رووبارهكه هیچ كاریگهرییهكى خراپ لهسهر پڕۆژهكه ناكات و ئاوى ئهمباركراوى تێدا دهمێنێتهوه.
ماوهى تهواو كردنى پڕۆژهكه 360 رۆژى بۆ داندراوه و له 2025 دا تهواو دهكرێت.
