مارادۆنای یانەی نەورۆز فۆتۆ: راگەیاندنی یانەکە
مارادۆنا گۆڵكاری عێراقه
964+
ئه‌رسه‌لان عه‌بدوڵڵا – هه‌ولێر
كلاودیۆ ئۆلیڤێرا دی سۆزای بەڕازیلی، كه به مارادۆنا ناسراوه و یاریزانی یانه‌ی نه‌ورۆزه، ئێستا گۆڵکاری خولی نایابی عێراقه و له پێش هه‌موو یاریزانه‌كانه‌وه دێت.
“مارادۆنا” هێرشبەری یانەی نەورۆزه و ئه‌م وه‌رزه په‌یوه‌ندی به یانه‌كه‌وه كردووه، توانی بە تۆماركردنی 8 گۆڵ پله‌ی یه‌كه‌می ریزبه‌ندی گۆڵكارانی خولی نایاب بگرێ، دوای ئه‌وه‌ی لە یارییەکانی گه‌ڕی 14ی خوله‌كه‌دا، توانی دوو گۆڵ له كۆی سێ گۆڵی یانه‌كه‌ی له تۆڕی دیوانییه تۆمار بكات.
یانه‌ی نه‌ورۆز ئێواره‌ی چوارشه‌ممه له یاریگای فرانسۆ هه‌ریری له هه‌ولێر، به ئه‌نجامی 3-1 گۆڵ له یانه‌ی دیوانییه‌ی برده‌وه.
له یارییه‌كه‌دا مارادۆنا به‌ڕازیلییه‌كه دوو گۆڵی له خوله‌كه‌كانی 53 و 67 تۆمار كرد، گۆڵه‌كه‌ی دیكه‌ش حوسێن عه‌بدولواحید تۆماری كرد.
ئێستا مارادۆنا به 8 گۆڵ له پێش گۆڵكارانی خولی عێراقه، له دوای ئه‌و دینی ئانتۆیی یاریزانی غانایی یانه‌ی نه‌فت دێت، كه 7 گۆڵی هه‌یه.