لە سنووری کۆیە
منداڵێکی 10 ساڵان لە زێی بچوک خنکا
964+
گۆڤەند فەتاح – کۆیە
ئەمڕۆ پێنجشەممە، 2024.11.21، منداڵێکی تەمەن 10 ساڵان بە ناوی (ش.ش)، لە گوندی کڵێسەی سەر بە قەزای کۆیە، دەکەوێتە ناو زێی بچووک و دەخنکێت و تا ئێستاش تەرمەکەی نەدۆزراوەتەوە.
سۆران موبارەک، لێپرسراوی تیمی غەواسی تەقتەق بە 964ی وت، نزیکەی کاتژمێر 2:30، کوڕێکی تەمەن 10 ساڵان لە گوندی کڵێسە کە وادیارە باخیان لەو گوندە هەیە، کەوتووەتە ناو ئاوەکە و خنکاوە، تەرمەکەی تا ئێستا نەدۆزراوەتەوە و گەڕان بە دوایدا بەردەوامە.
گوندی کڵێسە کە زێی بچووک بە تەنیشتیدا تێپەڕدەبێت، 41 کیلۆمەتر لە سەنتەری قەزای کۆیەوە دوورە.
پێداچوونەوە: توانا نەقی
