نەوت جێگیرە
بیتکۆین وەستانى نییە و لەبن 100 هەزار دۆلارە
964+
وریا فەتاح
نرخى نەوت چەند رۆژێکە لە نێوان 70 بۆ 75 دۆلار دێت و دەچێت، بیتکۆینیش وەستانى نییە و لە بن 100 هەزار دۆلارە.
.
ئەمڕۆ پێنجشەممە 21.11.2024، لەگەڵ کردنەوەى بازاڕى جیهانى نەوت، نرخی یەك بەرمیل نەوتی خاوی برێنت بە 73 دۆلار و 02 سەنتە و بەڕێژەى 0.21 سەنت بەرز بووەتەوە.
هەروەها نرخی یەك بەرمیل نەوتی سووكی تێكساس بە 68 دۆلار و 87 سەنت مامەڵەی پێوە دەکرێت و بەڕێژەى 0.52 سەنت دابەزیووە.
بیتکۆینیش بەردەوامە لە بەرزبوونەوە و بۆ ئەمڕۆ پێنجشەممە، نرخى یەک بیتکۆین بۆ 95 هەزار و 40 دۆلار مامەڵەى پێوە دەکرێت.
سەرکەوتنى ترەمپ، بازاڕى دراوە ئەلیکترۆنییەکان بەتایبەت بیتکۆینى خۆشکرد، بەشێوەیەک لە دوو هەفتەی رابردوودا بەهاى ئەو دراوە بەڕێژەى نزیکەى 40%، بەرز بووەتەوە.
