تاکسی سلێمانی - وێنە: 964
تاکسى بەرناکەوێت
نرخى گەیاندنى سەرنشین بۆ کەرکوک بەرز بووەتەوە
964+
دیلان محەمەد جەزا
بەهۆی نەمانی تاکسی لە سلێمانییەوە بۆ شاری کەرکوک، ژمارەیەک شۆفێری دەرەوەی تێرمیناڵی سەرەکی سلێمانی نرخی گەیاندنی هاوڵاتیانیان بۆ کەرکوک بەرزکردەوە.
ئازاد ئەحمەد سەرۆکی سەندیکای شۆفێرانی سلێمانی بە 964ى وت، بەهۆی دروست بونی لۆد لەسەر تێرمیناڵی سەرەکی سلێمانی و نەمانی تاکسی چون بۆ شاری کەرکوک، ژمارەیەک شۆفێری تاکسی دەرەوەی تێرمیناڵ نرخی زیاد لە هاوڵاتیان وەردەگرن.
باسی لەوەکرد، ئەو تاکسیانە هێڵیان نییە و بە 15 هەزار دینار هاوڵاتیان دەبەن بەرەو شاری کەرکوک.
وەک باسى کرد، ئێستا دەچنە تێرمیناڵ و لێپێچینەوە لەگەڵ ئەو شۆفێرانە دەکرێت.
ئەوەی خستەرو، نرخی چون بۆ شاری کەرکوک بۆ سەرنشینێک 10 هەزار دینارە و رێگەپێدراو نییە زیاتر وەربگیرێت.
بەهۆى سەرژمێرییەوە، کەرکوکییەکانى دانیشتووى سلێمانى بە لێشاو دەگەڕێنەوە بۆ شارەکەیان و بەشدارى پڕۆسەکە دەکەن.
پێداچوونەوە: وریا فەتاح
