گرافیک؛ 964+
ئه‌وانه‌ى بێ ماڵ و په‌ناگه‌ن
شوێن بۆ ئه‌و خێزانانه دابینكراوه كه ده‌یانه‌وێت بۆ سه‌رژمێرى بگه‌ڕێنه‌وه سنوورى مه‌خمور
964+
فەرهاد حەسەن
له سنورى قه‌زاى مه‌خمور، شوێن بۆ ئه‌و خێزانانه دابینكراوه كه بێ ماڵ و په‌ناگه‌ن و ده‌یانه‌وێت بۆ سه‌رژمێرى بگه‌ڕێنه‌وه ناوچه‌كانیان، به‌ڕێوه‌به‌رى ناحیه‌ى كه‌ندێناوه‌ش بۆ 964 ئاشكراى ده‌كات كه شوێنه دابینكراوه‌كه كه‌مپى ناحیه‌كه‌یانه.
خێزانه‌كان ئه‌وانه ده‌گرێته‌وه كه به‌ڕه‌سه‌ن خه‌ڵكى قەزای مەخمور و ناحیەکانی کەندێناوە، مەلاقەرە و قەراجن و له‌ده‌ره‌وه‌ى ئه‌م شوێنانه ده‌ژین.
به‌یار حه‌سه‌ن نه‌جار، به‌ڕێوەبه‌رى ناحیه‌ى كه‌ندێناوه، به 964ـى راگه‌یاند، وه‌ك هاوكارییه‌ك بۆ ئه‌م خێزانانه‌ى لە شار و شارۆچکەکانی دەرەوەی سنووری ناوچەی 140 بە نیازی گەڕانەوەن بۆ سەر زێدی خۆیان و هیچ ماڵ و پەناگەیەکیان نیە، شوێنی حه‌وانه‌وه‌یان بۆ دابین كردوون.
وتیشی “شوێنه دابینكراوه‌كه كه‌مپی په‌نابه‌رانى دیبه‌گه‌یه و بۆ ئه‌م مه‌به‌سته‌ش له‌گه‌ڵ كارگێڕى كه‌م رێككه‌وتووین”.
ئاماژه‌ى به‌وه‌شكرد، ئه‌م خێزانانه چه‌ند رۆژێك له سنووره‌كه‌یان ده‌مێننه‌وه بۆیه به‌پێویستیان زانیووه له‌رووى دابینكردنى شوێنه‌وه هاوكاریان بكه‌ن.
