پەروەردەی پێنجوێن راهێنان بە مامۆستاکانی دەکات

+964

کامیار کەمال- پێنجوێن

پەروەردەی پێنجوێن راهێنان بە سەرجەم مامۆستایانی سنوری قەزاکە دەکات و راهێنانەکەش بە مەبەستی بەرەوپێشچوونی پرۆسەی خوێندنە.

ئەسعەد جافر بەڕێوەبەری پەروەردەی پێنجوێن بە 964ی راگەیاند، راهێنان کردن بە مامۆستایانی قەزای پێنجوێن بۆ باشترکردنی شێوازی وانە وتنەوە و بەرەوپێشچوونی مامۆستایانە.

وتیشی، ماوەی سێ مانگە سەرقاڵی راهێنان کردنن بە مامۆستایان و راهێنانەکەش، دوو هەفتە جارێکە و تا کۆتایی ئەمساڵ بەردەوامی دەبێت.

باسی لەوەش كرد، هەشت راهێنەری تایبەتیان هەیە و لە پرۆسەکەدا سەرجەم مامۆستایان راهێنانیان پێدەکرێت لە هەموو قوتابخانەکاندا.

لە سنووری قەزای پێنجوێن زیاتر لە هەزار مامۆستا وانە بە قوتابیان دەڵێنەوە.

پێداچوونەوە: ئەرسەلان عەبدوڵا

پەروەردەکانی سەیدسادق، شارباژێڕ، شارەزوور و پێنجوێن پشوویان راگەیاند