زانکۆی سۆران
لە زانکۆی سۆران
رۆژی شەممە دەستپێکی خوێندنە بۆ خوێندکارانی تازە وەرگیراو
964+
ژێوار خدر
خوێندکارانی تازە وەرگیراوی زانکۆی سۆران رۆژی شەممە 16.11.2024، یەکەم رۆژی خوێندنیان دەبێت بۆ ساڵی خوێندنی 2024 – 2025.
ئەمڕۆ پێنجشەممە 14.11.2024، زانکۆی سۆران رایگەیاند، رۆژی شەممەی داهاتوو، دەستپێکی خوێندنی ساڵی 2024 – 2025 دەبێت بۆ خوێندکارانی تازە وەرگیراو.
روونیشیکردووەتەوە، ئەو خوێندکارانەی تا ئێستا مامەڵەی وەرگرتنیان نەكردووە، دەتوانن لە هەمان رۆژ واتە رۆژی شەممە، سەردانی زانكۆ بكەن تا رۆژی سێشەممە، 19.11.2024، مامەڵەکانیان رایی دەکرێت.
رێبەر عەبدولغەفار بەڕێوەبەری راگەیاندنی زانکۆی سۆران پێشتر بە 964ـی راگەیاندبوو، ئەمساڵ دوو هەزار و 203 قوتابی بۆ قۆناغی یەکەم لە زانکۆی سۆران وەرگیراون و بە گشتی شەش هەزار و 500 قوتابی لە هەموو بەشەکان دەوام دەکەن.
