دیمهنێكی دهرهوهى زانكۆى سه‌ڵاحه‌دین... وێنه: راگه‌یاندنى زانكۆ.
یه‌كه‌یه‌كى تایبه‌تى دامه‌زراندووه و وۆڕكشۆپێكیش به‌ڕێوه‌ده‌بات
زانكۆى سه‌ڵاحه‌دین كار له‌سه‌ر كۆكردنه‌وه و پاراستنى به‌ڵگه‌نامه و ده‌ستنووسه مێژووییه‌كان ده‌كات
964+
فه‌رهاد حه‌سه‌ن
زانكۆى سه‌ڵاحه‌دین له‌هه‌ولێر، كار له‌سه‌ر كۆكردنه‌وه و پاراستنى به‌ڵگه‌نامه و ده‌ستنووسه مێژووییه‌كانى كورد ده‌كات و بۆئه‌م مه‌به‌سته‌ش یه‌كه‌یه‌كى تایبه‌تى دامه‌زراندووه و مامۆستایه‌كى زانكۆش ده‌ڵێت، تاوه‌كو ئێستا وه‌كو پێویست به‌ڵگه‌نامه مێژوویه‌كان نه‌پارێزراون.
راگه‌یاندنى زانكۆكه بانگهێشتنامه‌یه‌كی بڵاوكردووه‌ته‌وه كه سه‌بینێ “وۆرکشۆپی بایەخی بەڵگەنامە و دەستنووس لە مێژووی کوردیدا” به‌ڕێوه‌ده‌بات وه‌كو هه‌نگاوێك بۆ پاراستنى به‌ڵگه‌نامه‌كان.
د. هۆشه‌نگ ساڵح، مامۆستاى به‌شی مێژووى ئه‌م زانكۆیه و ئه‌ندامى یه‌كه‌ى پاراستن و كۆكردنه‌وه‌ى به‌ڵگه‌نامه و ده‌ستنووسه‌كان، به 964ـى وت به‌مه‌به‌ستى باشتر پاراستن و كۆكردنه‌وه‌ى ئه‌م به‌ڵگه‌نامه مێژووییانه ئه‌م یه‌كه‌یه‌یان دامه‌زراندووه و ئامنجیشیان كركۆدنه‌وه‌یانه.
وتیشی “وه‌كو هه‌نگاوى یه‌كه‌م سبه‌ینێ وۆڕكشۆپه‌كه به‌ڕێوه ده‌بین بۆ ئه‌وه‌ى له قۆناغه‌كانى داهاتوودا بتوانن وه‌كو پێویست به‌ڵگه‌نامه و ده‌ستنووسه مێژووییه‌كان له یه‌كه‌كه‌مان كۆبكرێته‌وه”.
یه‌كه‌كه‌ى زانكۆى سه‌ڵاحه‌دین ماوه‌ى دوو مانگه دامه‌زراوه و له‌م ماوه‌یه‌شدا ژماره‌یه‌كی زۆرى به‌ڵگه‌نامه و ده‌ستنووسی مێژوویی كركۆدووه‌ته‌وه.
ئاماژه‌ى به‌وه‌كرد، تاوه‌كو ئێستا وه‌كو پێویست سوود له به‌ڵگه‌نامه و ده‌ستنووسه مێژووییه‌كان وه‌رنه‌گیراوه و زۆرینه‌ى نووسینه‌وه‌ى مێژووش به شێوه‌ى زاره‌كی بووه.
روونیشیكرده‌وه، ده‌یانه‌وێت بۆ له‌مه‌ودوا ئاڕاسته‌ى نووسینه‌وه‌ى مێژوو له زاره‌كییه‌وه بۆ به‌كارهێنانى به‌ڵگه‌نامه و ده‌ستنووسه مێژوویه‌كان بگۆڕن و بۆ ئه‌م مه‌به‌سته‌ش زانكۆى سه‌ڵاحه‌دین گرنگى زۆر به‌م بواره ده‌دات.
ئه‌و وۆڕكشۆپه‌ى به‌نیازن سبه‌ینێ چوارشه‌ممه به‌ڕێوه‌ى ببه‌ن، شوێنه‌كه‌ى له سەنتەری رۆشنبیری و کۆمەڵایەتی زانکۆی سەلاحەدین ده‌بێت.
