ئەمڕۆ لە 13 پارێزگاى عێراق دەبارێت و سبەى دەگاتە هەرێمى کوردستان

964+

وریا فەتاح

کەشناسى عێراق پێشبینى کردووە، ئەمڕۆ لە ناوچەکانى رۆژئاواى عێراق باران بارین لە بەرەبەیانییەوە دەستى پێکردووە و پێشبینى دەکرێت تاکوو ئێوارەى ئەمڕۆ بۆ ناوەندى وڵات درێژبێتەوە و 13 پارێزگا لەخۆى بگرێت و سبەینێ دووشەممەش بگاتە هەرێم.

وەک ئەوەى کەشناسى عێراق باسى کردووە، باران بارین لە بەرەبەیانی ئەمڕۆ یەکشەممە لە باشووری رۆژئاوای ئەنبارەوە دەستی پێکرد و دواتر بۆ تەواوى ناوچەکانی ئەنبار گواسترایەوە، ئەوەش بە شێوەیەکە تا نیوەڕۆ هەریەک لە کەربەلا و نەجەف، دیوانیە و بابل، بەغدا، واست، دیالە، سەڵاحەدین، دەگرێتەوە.

بەپێى کەشناسى عێراق، لە بەرەبەیانى رۆژى دووشەممەوە، دۆخەکە بەرەو سلێمانى و دهۆک و کەرکوک و هەولێر و بەشێک لە موسڵ دەگوازرێتەوە و بارانیان لێدەباریت.

لاى خۆیەوە کەشناسى هەرێم بڵاوى کردووەتەوە، ئەمڕۆئاسمان ساماڵ و پەڵەهەور دەبێت لەکاتەکانی ئێوارە بۆ شەو دەگۆێت بۆ نیمچە هەور، بەڵام سبەینێ دووشەممە، کەشەکە دەگۆڕێت بۆ باران و سەرەتا لە سنوورى پارێزگای سلێمانی و هەڵەبجە و کەرکووک دەستپێدەکات.

وەک باسکراوە، بارانەکە کاریگەری درێژدەبێتەوە بۆ سەرجەم ناوچە جیاجیاکانی هەرێم، بارانبارین بەشێوەی نمەباران و هەندێ کات ئەگەری لێزمەباران و هەورەتریشقە دەبێت لەگەڵ نزم بوونەوەی پلەکانی گەرما و کەمێک زیادبوونی خێرایی با .

بەرزترین پلەکانی گەرمای پێشبینیکراو بە پلەی سیلیزی :

هەولێر : 23 پلەى سیلیزى

سلێمانی : 19 پلەى سیلیزى

دهۆک : 22 پلەى سیلیزى

کەرکوک : 23 پلەى سیلیزى

هەڵەبجە : 19 پلەى سیلیزى

زاخۆ : 21 پلەى سیلیزى

حاجی ئۆمەران : 8 پلەى سیلیزى

سۆران : 18 پلەى سیلیزى

گەرمیان : 23 پلەى سیلیزى

لە عێراق بارانى بەخووڕ دەبارێت