ئەنجامدانی ژمارەی کەسی بێهاوتا لە بانکی سەیدسادق _ وێنە: بۆ 964 نێردراوە
ئەم دوو رۆژە لە دەوامن
بانکی سەیدسادق ئەمڕۆ و سبەی کۆدی بایۆمەتری دەکەن
964+
ئەحمەد مستەفا
بانکی سەیدسادق، ئەمڕۆ هەینی و سبەی شەممە ژمارەیەک لە کارمەندەکانیان لە دەوام دەبن، تا کۆدی بایۆمەتری “ژمارەی کەسیی بێهاوتا” بۆ ئەو موچەخۆر و فەرمانبەرانە دەربکەن، کە تائێستا نییانە.
لە ئاگاداریییەکدا کە وێنەیەکی دراوە بە 964، بانکەکە دەڵێت، ئەمڕۆ و سبەی لە دەوامین، تا ژمارەی کەسیی بێهاوتا بۆ مامۆستایانی گرێبەست و خانەنشین و فەرمانبەران کە UPN- یان ئەنجام نەداوە و داوایان لێکراوە دەربکەین.
بانکەکە تەنیا ئەم دوو رۆژە ژمارەی کەسیی بێهاوتا ئامادە دەکەن و لیژنە هاتوون، بڕیار وایە تا 21.11.2024 کۆتایی بە پڕۆسەی تۆماری بایۆمەتری هەموو موچەخۆر و فەرمانبەران لە هەرێمی کوردستان بهێنرێت، کە کراوە بە مەرجی پێدانی موچەکانیان.
