کێشەى کۆکردنەوەى زبڵ و خاشاکى کفرى چارەسەر بوو

964+

وریا فەتاح

کێشەى کۆکردنەوەى زبڵ و خاشاکى کفرى چارەسەر بوو، سەرۆکى شارەوانى شارەکەش دەڵێت،هەڵمەتی پاککردنەوە و کۆکردنەوەی خۆڵ وخاشاکی ناو شارو دەرەوەی شار دەستیپێکردەوەو بەردەوام دەبن.

شەوى رابردوو ژمارەیەک چالاکوانى قەزاکى دژى پاکنەکردنەوەى زبڵ و خاشاکى شارەکەیان، زبڵەکانى ماڵى خۆیان خستە ناو زەرفەوە و لەبەردەم بیناى شارەوانى دایاننا.

عەلى خوڕشید، سەرۆکى شارەوانى کفرى بە 964ـى وت، بەهۆی تەواو بوونی ماوەی گرێبەستی کۆمپانیای گەردین کە تایبەت بوو بە کۆکردنەوەی خۆڵ و خاشاک لەناو شاری کفری، ماوەی سێ رۆژە نەمانتوانیوەو بەگوێرەی پێویست خۆڵ و خاشاکی ناو شار کۆبکەینەوە.

وەک ئەوەى باسى  دەکات، لەگەڵ کۆمپانیایەکى دیکە گرێبەستکراوە و لەمڕۆوە هەڵمەتى پاککردنەوە دەستیپێکردووە.

چالاکوانانى کفرى زبڵ و خاشاکى ماڵەکانیان بردە بەردەم شارەوانى