دیمەنێکی دەرەوەی نەخۆشخانەی فریاکەوتنی رۆژاوای هەولێر کە لە سۆشیاڵ میدیاکەیان بڵاوکراوەتەوە.
زۆرترین حاڵه‌ت "به‌ربوونه‌وه" بووه
رۆژانه زیاتر له 150 حاڵه‌تى كتوپڕ روویان له فریاكه‌وتنى رۆژئاواى هه‌ولێر كردووه
964+
فه‌رهاد حه‌سه‌ن
رۆژانه لانیكه‌م 150 حاڵه‌تى كتوپڕ روویان له نه‌خۆشخانه‌ى فریاكه‌وتنى رۆژئاواى هه‌ولێر كردووه و له‌ناو ئه‌م حاڵه‌تانه‌شدا زۆرترینیان به‌ربوونه‌وه بووه، كه زیاتر له هه‌زار حاڵه‌ته.
نه‌خۆشخانه‌كه ئامارى مانگى رابردووى چالاكییه‌كانى بڵاوكردووه‌ته‌وه كه نزیكه‌ى هه‌شت هه‌زار نه‌خۆش سه‌ردانى راوێژكارى ئێواران و نزیكه‌ى سێ هه‌زاری سه‌ردانى راوێژكارى به‌یانیان كردووه.
هه‌ر به‌پێی ئاماره‌كه، له ماوه‌ى ئه‌م مانگه‌دا هه‌زار و 56 حاڵه‌تى بەربوونەوە، 963 زەبری دەرەكی، 733 هەناو، 711 شکان، 340 چاو، سه‌ردانى ئه‌م نه‌خۆشخانه‌یان كردووه.
سه‌باره‌ت به رووداوه‌كانى هاتوچۆش 223 رووداوی (ماتۆڕ) و 213 رووداوی (ئۆتۆمۆبیل) هه‌بووه ره‌وانه‌ى نه‌خۆشخانه‌كه كراون.
ئه‌وه‌ى تایبه‌ت به قوڕگ و لووت و گوێ 150 حاڵه‌ت و هەوکردنی گورچیلە 123
، پێوه‌دانى مار و دووپشک 79، گەستنی سەگ 46، سكچوون و رشانەوە 33 و کارەبا گرتنیش پێنج حاڵه‌ت هه‌بووه.
هه‌ر به‌پێی ئاماره‌كه، ئه‌و كه‌سانه‌ى له‌رێگه‌ى خواردنى حه‌ب و ده‌رمانه‌وه زیانیان بەخۆیان گەیاندووه بریتی بوونه له چوار حاڵه‌ت و ئه‌وانه‌شی گولـله‌یان به‌ركه‌وتبوو دوو حاڵه‌ت بوون و 32 حاڵه‌تى مردنیش له‌ماوه‌ى ئه‌م مانگه‌دا، له‌م نه‌خۆشخانه‌یه‌دا هه‌بووه.
