لە دەوروبەری کۆشکی سپی رێوشوێنی ئەمنیی توند گیراوەتەبەر

964+

ئەرسەلان عەبدوڵا

نێردراوی تۆڕی 964 بۆ ئەمریكا توانا نەقی ئەمڕۆ یەكشەممە 3.11.2024 زانیاریی ئەوەی گەیاند، بەبۆنەی نزیكبوونەوەی هەڵبژاردنی سەرۆكایەتی ئەمریكا، لە دەوروبەری کۆشکی سپی رێوشوێنی ئەمنیی توند گیراوەتەبەر و جگە لەو پەرژینەی لە دەوری كۆشكەكە هەیە، پەرژینێكی دیكەش وا دادەنرێت.

هەروەها ئاماژە بەوە دەكات، لەگەڵ ئەوەی هەڵبژاردن نزیكە، بەڵام هاوڵاتیانی ئەمریكی زۆر ئاسوودە و هێمنن و خەریكی ژیان و كاروكەسابەتی خۆیانن.

توانا روونیكردەوە، گرتنەبەری رێوشوێنی ئەمنیی توند لە ترسی ئەوەیە، نەبادا جارێكی دیكەش دۆناڵد ترەمپ سەرنەكەوێت و وەك ساڵی 2021 لایەنگرانی هێرش بكەنە سەر كۆشكی سپی.

رۆژی 5.11.2024 هەڵبژاردنی سەرۆكایەتی ئەمریكا بەڕێوەدەچێت و هەریەكە لە دۆناڵد ترەمپ كاندیدی كۆمارییەكان و كامالا هاریس كاندیدی دیموكراتەكان ركابەری بۆ بەدەستهێنانی پۆستی سەرۆك دەكەن.

تۆڕی 964 چەند رۆژێكە تیمێكی لە ئەمریكایە و رۆژانە رووماڵی ئامادەكاریی و پێشهاتەكانی پێش هەڵبژاردن دەكەن و نوێترین زانیارییەكان بۆ وەرگرانی تۆڕەكە پێشكەش دەكەن.

ئەم هەڵبژاردنە لە مێژووی ئەمریکادا ژمارەی پێوانەیی دەشکێنێت