دیمەنێکی بارانبارین لە یەکێک لە شەقامەکانی کوردستان - وێنە: 964
لە سێ بۆ چوار کاتژمێرى داهاتوو
شەپۆلى دووەمى بارانبارین دەستپێدەکات
964+
وریا فەتاح
شەپۆلى یەکەمى بارانبارین کۆتایى هات و کەشناسێکیش پێشبینى دەکات لە سێ بۆ چوار کاتژمێرى داهاتوودا، قۆناغى دووەمى شەپۆلەکە لە گەرمیانەوە، دەستپێبکات.
سیروان ساڵح، پێشبینیکارى کەشووهەوا بە 964ـى وت،”پێشبینى دەکرێت لە سێ بۆ چوار کاتژمێرى داهاتوودا، قۆناغى دووەمى شەپۆلى دەریاى ناوەڕاست دەستپێبکات”.
وەک باسى دەکات، سەرەتا لە کەرکوک و دوزخورماتوو بە باران و هەورە بروسکە دەستپێدەکات و سێ بۆ چوار کاتژمێرى داهاتوو دەگاتە گەرمیان.
بەپێى پێشبینییەکانى ئەو کەشناسە، دیسان له چەم و دۆڵەکان ئەگەری لافاو هەیە و ئەم شەپۆلەش تاوەکو بەرەبەیانی دووشەممە بەردەوام دەبێت.
ئەوەش لە کاتێکدایە، بەهۆى مەترسى بارانى بەخوڕ و ئەگەرى دورستبوونى لافاو، لە چەند شارو ناوچەیەکى هەرێمى کوردستان، ئەمڕۆ یەکشەممە کراوەتە پشوو.
