لە رواندز هاوڵاتییەک لە شاخ هەڵدێریا
"لە ژیاندا ماوە"
لە رواندز هاوڵاتییەک لە شاخ هەڵدێرا
964+
ئاکام غەفور – سۆران
لە قەزای رواندز سەر بە ئیدارەی سۆران، هاوڵاتییەک لە شاخ هەڵدێرا و کەوتەخوارەوە.
رەوەند هاودیانی وتەبێژی بەرگریی شارستانیی سۆران، بە 964ـی وت، “کەمێک لەمەوبەر ئاگادارکراینەوە هاوڵاتییەک لە شاخێکی رواندز کەوتووەتەوە خوارەوە و هەڵدێراوە”.
ئاماژەی بەوەشکرد، ئەو هاوڵاتییە بریندار بووە و لەلایەن تیمەکانی بەرگری شارستانی سۆران و خەڵکی ناوچەکە رزگارکراوە و ئێستا لە نەخۆشخانەی رواندز چارەسەری پزیشکی وەردەگرێت.
رەوەند هاودیانی وتیشی، ئەو کەسە بە مەبەستی قەزوان کردن چووەتە شاخ، بەڵام لەپڕ قاچی ترازاوە و هەڵدێراوە.
پێداچوونەوە: شۆڕش قادری
