سەقفەکانی بەرگری لە ئاگر دەرچەی رزگار بوون مسۆگەر دەکەن

ئەحمەد مستەفا

سەقفی بەرگری لە ئاگر دەتوانرێت بەکار بهێنرێت بۆ کەمکردنەوەی مەترسی خێرا تەشەنەکردنی ئاگر، کەمکردنەوەی مەترسی ئاگرگرتنی خێرای سەر و خواری بينا چەند نهۆميیەکان.

بەرگریی شارستانی هەولێر لە رێنماییەکدا کە ئەمڕۆ پێنجشەممە 31.10.2024 بۆ خەڵکی بڵاوکردووەتەوە، ئاماژە بە کاتی سوودوەرگرتنی ئەو سەقفە دەکات و دەڵێت، سيستمی سەقفی بەرگری لە ئاگر، ماوەيەکی دياريکراوی بەرگری لە ئاگر دابين دەکات، بە تايبەت لەو رێڕەوانەی کەوا بۆ رزگاربوون دانراون، تا لە کاتی رووداوی ئاگرکەوتنەوە هاوڵاتيیان بتوانن بێ مەترسی و بە ئاسانی رزگاريان ببێت.

ئاماژە بەوەش دەکەن، ئەو سیستمە رێگە بە فرياگوزاری و کەمکردنەوەی زيانی گيانی و سەلامەتی هاوڵاتیان مسۆگەر دەکات، تایبەت پێکهاتەی ئەو سەقفانە دژە ئاگرن و بە ئاسانی ناسووتێن و هەرەس و داڕمانيان کەمە، هەروەها بەرگەی پلەی گەرمی بەرز دەگرن.

دیمەنی رووداوێکی ئاگرکەوتنەوەی مەزدەندە کراو؛