پێشانگەی بەرفراوانی کەلوپەلی ناوماڵ لە هەولێر دەکرێتەوە

964+
ئەحمەد مستەفا

پێشانگایەکی بەرفراوان لە بواری پێداویستی ناوماڵ لە هەولێری پایتەختی هەرێمی کوردستان دەکرێتەوە، ماوەی سێ رۆژ بەردەوام دەبێ و یەکێتیی هاوردە و ناردنکارانی هەرێمی کوردستان داوا دەکات ئەندامەکانی بەشداریی بکەن.

سەرۆکایەتی یەکێتیی هاوردە و ناردنکارانی هەرێمی کوردستان لە راگەیەندراوێکدا، کە وێنەیەکی بۆ 964 نێردراوە ئاگاداری سەرجەم لقەکان و گشت ئەندامانی دەکاتەوە کە لە رۆژی 12.12.2024، بۆ ماوەی سێ رۆژ پێشانگایەکی نێودەوڵەتی بەئەنجام دەگەیەندرێت.

پێشانگاکە لە بواری (مۆبیلیاتی ماڵ و ئۆفیس)، (ديكۆراتی ناوماڵ)، (رووناکی پەردە و فەرش)، (ئامێرەکانی ناوماڵ و ئەلکترۆنیات)، (سیستمی ماڵەزیرەکەکان)، (ئیکسسوارات و ئامێرەکانی ناوماڵ) و (مۆبیلیاتی دەرەوەو کەلوپەلی باخچە) دەبێت.

بە وتەی یەکێتیی هاوردە و ناردنکاران، لە پێشانگاکەدا هەمووجۆرە کەلوپەلێکی ناوماڵ نمایش دەکرێت، بۆیە خاوەن کۆمپانیاکانی تایبەت بەم بوارە دەتوانن ئامادەبن و هەموو ئاسانکارییەکیان بۆ دەکرێت، لە وەرگرتنی بریکار لە کۆمپانیا بەشداربووەکان.

نووسراوی یەکێتی هاوردە و ناردنکاران؛