گرافیک؛ 964+
پێشبینیه جیهانییه‌كان: زیاتر به‌رزده‌بێته‌وه
نرخى زێر له كوردستان هه‌ر له به‌رزى ماوه‌ته‌وه
964+
فه‌رهاد حه‌سه‌ن
نرخى زێڕ له بازاڕه‌كانى هه‌رێمی كوردستان وه‌كو خۆیه‌تى كه دوێنێ بڵاوكراوه‌یه‌وه و گۆڕانكاری به‌سه‌ردا نه‌هاتووه، به‌ڵام پێشبینى بانكه جیهانییه‌كان بۆ ئه‌وه ده‌چن كه نرخه‌كه‌ى زیاتر به‌رز ببێته‌وه.
نرخى ئه‌مڕۆى یەک ئۆنسە زێڕ له‌بازاڕه‌كانى جیهاندا به دوو هه‌زار و 731 دۆلار مامه‌ڵه‌ى پێوه‌كراوه و له هه‌رێمی كوردستانیش كه نرخى دۆلار بۆ زێڕ به 152 هه‌زار 700 دینار حسابکراوە، نرخى ئۆنسه‌یه‌ك دوو هه‌زار و 734 دۆلار مامه‌ڵه‌ى پێوه ده‌كرێت.
به‌پێی پێشبینییه‌كانى بانكه به‌ناوبانگه‌كانى جیهان له‌وانه‌ش سیتی بانکی ئەمریکا، نرخی یەک ئۆنسە زێڕ لە ماوەی سێ مانگی داهاتوودا بۆ دوو هه‌زار و 800 دۆلار بەرزده‌بێتەوە، لە ماوەی شه‌ش تاوەکو 12 مانگى داهاتووشدا پێشبینییه‌كه‌ى ئه‌وه‌یه كه بگاتە سێ هه‌زار دۆلار.
هۆكارى ئه‌م به‌رزبوونه‌وه به‌رده‌وامه‌ش كه بانكه‌كه باسی كردووه دۆخى شه‌ڕ و گرژییه‌كانى رۆژهەڵاتی ناوەڕاست له هۆکارە سه‌ره‌كییه‌كه‌ى ئه‌م به‌رزبوونه‌وه‌یه‌یه.
نرخی ئه‌مڕۆى زێڕ كه لەلایەن سەندیکای زێڕنگرانه‌وه داندراوه به‌م شێوه‌یه‌یه:
مسقاڵێک زێڕ عەیار24 به 685 هه‌زار دیناره
مسقاڵێک زێڕ عەیار22 به 625 هه‌زار دیناره
مسقاڵێک زێڕ عەیار21 به 600 هه‌زار دیناره
مسقاڵێک زێڕ عەیار18 به 515 هه‌زار دیناره
زێڕ باڵى نییە و فڕى
