لە بناری چیای کارۆخ
ئاژەڵداران بە هەرەوەزی پەنیری کونەپێستەکان دەهێننە دەرەوە
964+
شۆڕش قادری
لە بناری چیای کارۆخی سەر بە قەزای رواندز ئاژەڵداران بە هەرەوەزی پەنیری کونەپێستەکان دەهێننە دەرەوە.
ئاژەڵداران لە بەهارەوە لە کونە پێستەکان پەنیر دادەنێن و هێشتنەوەی زۆری پەنیرەکە لە کونەپێستدا بۆ ئەوەیە کە تامێکی خۆش بگرێت.
کونەپێست رێگایەکی دێرینە و پەناگەیەکە بۆ هەڵگرتن و پاراستنی پەنیر بەهۆی فێنکی لەناویدا دەیپارێزێت لە خراپبوونی، هاوڵاتیان و ئاژەڵداران لە ناوەڕاستی بەهاردا لە ناویدا دایدەنێن و هەڵیدەگرن، لە وەزری پاییزیشدا دەیهێننە دەرەوە.
لەگەڵ کەمبوونەوەیدا خواست لەسەر بەرهەمی پەنیر زیادی کردووە و نرخەکەشی بەرزبووەتەوە، لەئێستادا نرخی یەک کیلۆ پەنیر لەنێوان 15 بۆ 25 هەزار دینارە، کە ساڵانی رابردوو لەو رێژەیە نرخەکەی زۆر کەمتر بوو.
